كل سنة وكل أم مصرية بخير

تهنئة خاصة لكل أم مصرية مناضلة حاربت علشان أبنائها

حاربت علشان أسرتها

حاربت علشان وطنها ومجتمعها

كل سنة وكل أم مصرية سند ووتد لبلادها

مقارنة بين الرئيس السيسي والاستبن

مقارنة بين كل من إنجازات الرئيس الحالي/ عبد الفتاح السيسي والرئيس المعزول/ محمد مرسي، في العديد من المجالات المختلفة، مثل، التموين، منظومة الخبز، الكهرباء، التعليم، الاقتصاد، الزراعة، النظافة والمرور والطرق، الصحة، الباعة الجائلين، الزراعة، الصناعة، العلاقات الخارجية، وكي تكون المقارنة منصفة، فإننا لن نتطرق إلى ما أنجزه وينجزه الرئيس السيسي في عامه الثاني من فترة ولايته، بل سنكتفي بعمل مقارنة لهذه المجالات خلال عام واحد فقط لكل من الرئيس السيسي والمعزول مرسي.

وسوف  نستعرض بالصور الإنجازات لكل مجال على حدى :

تحية كبيرة لكل سيدة مصرية وعربية بمناسبة يوم المرأة المصرية

لا يمكن أن ننسى دور المرأة مع الجيش المصري في إنقاذ الوطن من نظام مستبد كان بيهدف إلى هدم المجتمع وجعل المرأة نكرة، وعلشان كده المرأة شاركت في الاستفتاءات والانتخابات وأي عملية سياسية لأنها دايمًا مناضلة وقوية وبتقف جنب بلدها

وتحية كبيرة لكل سيدة مصرية وعربية تقف بجانب بلدها حتى آخر نفس

ده جزء من الكلام اللي بقوله دايمًا وقولته تاني في آخر لقاء ليّ على التليفزيون على قناة القاهرة خلال احتفال التليفزيون المصري بيوم المرأة المصرية اللي بيوافق بكرة 16 مارس، شوفوا اللقاء الكامل على الرابط اللي تحت:

https://www.youtube.com/watch?v=jk6UsASvFGc&feature=youtu.be

المرأة المصرية حققت العديد من الإنجازات خلال 2015 ولكننا نتوقع المزيد خلال الفترات القادمة

الحقيقة أنا شايفة إن المرأة المصرية حققت إنجازات كتيرة على كافة المستويات وتمثيلها في البرلمان والحكومة ليس سيئًا كبداية ، ولكننا نتوقع الأكثر والأكثر لإننا كنساء مصريات نستحق ذلك

ده جزء من كلامي اللي قولته الخميس اللي فات على الهواء في برنامج windows  على قناة "Nile TV"، شوفوا الحلقة كاملة على ثلاثة أجزاء ومستنية مشاركتكم معانا في شهر المرأة على هاشتاج #شهر_المرأة_مارس

الأجزاء الثلاثة

الجزء الأول: https://www.youtube.com/watch?v=6YbFqHX4w_s

الجزء الثاني:   https://www.youtube.com/watch?v=oBIsEDvJxsc

الجزء الثالث: https://www.youtube.com/watch?v=z5G_OSYXugU

شوفوا دراسة التحرش الجنسي .. نتائج طالعة من كلام ستاتنا وبناتنا

طبعًا التحرش الجنسي من الظواهر الغريبة اللي بتواجه الستات والبنات كل يوم

ودي من الظواهر اللي اهتميت بدراساتها الحقيقة، وفضلنا نحارب كتير علشان نعدل قوانين العقوبة بشكل يناسب تفشي الظاهرة اللي كبر بشكل غريب

والدراسة معمولة عن طريق استمارة استقصاء، تم تطبيقها على عينة مكونة من 500 سيدة وفتاة من عمر "12 إلى 40 سنة" موزعة كالتالي:

 المرحلة العمرية من 12 إلى 19 سنه 11.7% من عينة الدراسة، وفي المرحلة العمرية من 19 إلى 24 سنه 37.3% من عينة الدراسة وأيضاً في سن من 25 إلى 35 سنه 37.3% من إجمالي عينة الدراسة، بينما في الفئة العمرية من 40 فأكثر فنسبتهم في الدراسة 13.7%.

وتضمنت عينة الدراسة آنسات ومتزوجات ومطلقات أو أرمل، وتم إجراء الدراسة في العديد من المناطق العشوائية ، حيث تم إجراء الدراسة في مناطق مدينة السلام والبراجيل وغمرة وعين شمس وقرية شبرامنت وإمبابة وعزبة خير الله وكوم غراب وشبين القناطر ومنشية ناصر والجيارة ومصر القديمة والدويقة.

وخرجت الدراسة بالعديد من النتائج الهامة واللافتة والتي يجب أن يضعها صانعي القرار في اعتبارهم عند مواجهتهم لهذه الظاهرة.

شوفوا الدراسة كاملة من هنا:

http://www.adew.org/www/downloads/27112014/res2.pdf

دراسة عن وضع المرأة من 2009 وحتى 2015

دراسة وضع المرأة من الموضوعات اللي بتفضل تشغل بالي كتير جدًا، وبهتم بعملها من فترة لأخرى، علشان كده عملت الدراسة دي عن وضع المرأة من 2009 وحتى 2015 من نواحي كتير اقتصادي، اجتماعي، سياسي

هنزلها هنا احتفالا بشهر المرأة، علشان نقرأها ونقف على الإنجازات اللي حققناها ونزودها ونشوف السلبيات ونعالجها 

اتمنى تعجبكم، شوفوها من اللينك اللي تحت

http://www.adew.org/www/downloads/27112014/res5.pdf 

دراسة عن زواج القاصرات

الحقيقة أنا بحب دايمًا يكون كل كلامي بيركتز على دراسات وبحوث علمية، وميكونش مجرد كلام من الهواء، علشان كده بهتم جدًا إني أعمل دراسات وبحوث في الموضوعات الجدلية، وكمان علشان لما أطالب بحاجة يكون معايا حجج قوية تدلل على أهمية تحقيق المطالب دي

ومن ضمنها مثلًا، زواج القاصرات، اللي جه فترة جماعة الإخوان الإرهابية وحاولوا يقللوا السن القانونية لزواج البنات، وقال إيه مجرد ما تبلغ!!

علشان كده عملت دارسة عن زواج القاصرات واللي بتعرض بعض الإحصائيات العامة عن ظاهرة زواج القاصرات في المنطقة العربية، كمان تعرض الاتفاقيات الدولية التي تدين زواج الأطفال، والعوامل التي تؤدي إلى زواج الأطفال.

أسيبكم مع الدراسة، شوفوها من اللينك اللي جاي تحت

http://www.adew.org/www/downloads/27112014/res1.pdf